Ծնած է 1979 թուականին, Սասուն։ Սկզբնական կրթութիւնը ստացած է Գարակէօզեան Նախակրթարանի մէջ, իսկ միջնակարգ եւ լիսէական կրթութիւնը՝ Սուրբ Խաչ Լիսէին մէջ, զոր աւարտած է 1996 թուականին։ 2001 թուականին աւարտած է Իսթանպուլ Քիւլթիւր Համալսարանի Մաթեմատիկայի եւ Համակարգչային Գիտութիւններու բաժինը։ Կը տիրապետէ անգլերէն լեզուին՝ բարձր մակարդակով։

2011-2022 թուականներուն ծառայած է Սուրբ Խաչ Դպրեվանք Լիսէի Հիմնարկութեան Վարչական Խորհուրդին մէջ։ Տասներկու տարուան մասնագիտական գործունէութենէն ետք, 2013 թուականին հիմնած է իր սեփական ընկերութիւնը։ Ներկայիս կը ղեկավարէ իր ընկերութիւնը, որ գործունէութիւն կը ծաւալէ շինարարական նիւթերու արտահանման ոլորտին մէջ։

Ծնած է 1979 թուականին, Իսթանպուլ։ Սկզբնական կրթութիւնը ստացած է Բանկալթըի Մխիթարեան Նախակրթարանի մէջ, իսկ միջնակարգ եւ լիսէական կրթութիւնը՝ Սուրբ Խաչ Լիսէին մէջ, զոր աւարտած է 1996 թուականին։ Կը տիրապետէ անգլերէն լեզուին։

Տասնհինգ տարուան մասնագիտական գործունէութենէն ետք, 2015 թուականին միացած է ընտանեկան ընկերութեան եւ ներկայիս կը շարունակէ իր մասնագիտական գործունէութիւնը՝ որպէս ղեկավար ընտանեկան ընկերութեան մէջ։

Ծնած է 1981 թուականին, Իսթանպուլ։ Ուսումը ստացած է Ֆէրիգիւղ Մերամէթճեան վարժարանին, Էսաեան Լիսէին եւ Սուրբ Խաչ Դպրեվանք կրթական հաստատութիւններուն մէջ։ Այնուհետեւ աւարտած է Իսթանպուլի Համալսարանի Արեւելեան Լեզուներու բաժնի Ուրտու Լեզու եւ Գրականութիւն մասնագիտութիւնը, ապա՝ Անատոլու Համալսարանի Հանրային Յարաբերութիւններու բաժինը եւ Աթաթիւրք Համալսարանի Մանկական Զարգացման բաժինը։ Ներկայիս ուսանող է Իսթանպուլի Համալսարանի Լաբորանտութիւն եւ Անասնաբուժութիւն բաժինին մէջ։ Կը տիրապետէ անգլերէն լեզուին։

Իր մասնագիտական գործունէութիւնը կը շարունակէ զբօսաշրջութեան ոլորտին մէջ։ Աշխատած է Nippon Hotel – Elite World Hotels, CVK Hotels & Resorts եւ Crowne Plaza Harbiye հիւրանոցներուն մէջ՝ որպէս ղեկավար տարբեր բաժիններու, ներառեալ ամրագրումներ, վաճառք եւ էլեկտրոնային առեւտուր։ Վերջին շրջանին կը ստանձնէ Tryp by Wyndham Taksim Hotel-ի Ընդհանուր Տնօրէնի պաշտօնը։

Ծնած է 1989 թուականին, Իսթանպուլի Պէյօղլու շրջանին մէջ։ Շրջանաւարտ է Էսաեան Լիսէն։ Երկար տարիներ գործունէութիւն ծաւալած է Էսաեան Սանուց Միութեան «Մարալ» Երաժշտական եւ Պարային Համախմբումին մէջ՝ թէ՛ որպէս պարուհի եւ թէ՛ որպէս պարի ուսուցչուհի։

Համալսարանական ուսումը կատարած է անգլերէն լեզուով՝ Միջազգային Գործարարութիւն եւ Միջազգային Լոգիստիք բաժիններուն մէջ՝ զոյգ մասնագիտացմամբ (double major), աւարտելով բարձր պատուոյ աստիճանով։ Լեհաստանի Փոզնան Տնտեսագիտական Համալսարանին մէջ մասնագիտացած է Միջազգային Գործարարութեան ոլորտին մէջ, ապա մագիստրոսի աստիճան ստացած է Լոգիստիք Կառավարման ուղղութեամբ։ Կը տիրապետէ անգլերէն լեզուին՝ առաջադէմ մակարդակով։

Իր մասնագիտական գործունէութիւնը սկսած է Լոժիստիկ ոլորտին մէջ եւ շարունակած է վաճառքի եւ մարքեթինգի բնագաւառին մէջ։ Առողջապահական ոլորտին մէջ երկար տարիներ ստանձնած է Վաճառքի եւ Քլինիք Տնօրէնի պաշտօնները։ Հետագային հիմնած է իր սեփական Առողջապահական Զբօսաշրջութեան ընկերութիւնը եւ ներկայիս Եւրոպայէն, Միացեալ Թագաւորութենէն, Ամերիկայէն եւ այլ երկիրներէ Թուրքիա կը բերէ հիւանդներ։

Ծնած է 1978 թուականին, Իսթանպուլ։ Սկզբնական կրթութիւնը ստացած է Եշիլգիւղ Հայկական Նախակրթարանի մէջ, իսկ միջնակարգ եւ լիսէական ուսումը աւարտած է Սուրբ Խաչ Լիսէին մէջ՝ 1996 թուականին։ Այնուհետեւ աւարտած է Անատոլու Համալսարանի Տեղեկատուութեան Կառավարման բաժինը՝ պատուոյ աստիճանով։ Կը տիրապետէ անգլերէն լեզուին՝ բարձր մակարդակով։

Քսանհինգ տարուան մասնագիտական գործունէութեան ընթացքին ծառայութիւններ մատուցած է կրաֆիկ ձեւաւորման եւ գիրքի հրատարակչութեան ոլորտներուն մէջ՝ որպէս արտադրութեան պատասխանատու եւ թուային ունեցուածքի կառավարման մասնագէտ։ Ներկայիս կը գործէ շինարարութեան եւ կահոյքի ոլորտներուն մէջ գործող միջազգային ընկերութեան մը մէջ՝ կրաֆիկ ձեւաւորման եւ թուային ունեցուածքի կառավարման բնագաւառներուն մէջ։

Ծնած է 1985 թուականին, Իսթանպուլ։ Սկզբնական, միջնակարգ եւ լիսէական ուսումը աւարտած է Մասնաւոր Էվրիմ Լիսէին մէջ, ապա շրջանաւարտ դարձած է Իսթանպուլի Պիլկի Համալսարանի Միջազգային Ֆինանս բաժինէն։ Զոյգ մասնագիտացմամբ (double major) ուսանած է նաեւ Տնտեսագիտութեան բաժինը։ Լոնտոնի Kingston University-ին մէջ կատարած է ուսումնառութիւն Գործարարական Իրաւունքի բնագաւառին մէջ, ապա աւարտած է Պոսֆորի (Boğaziçi) Համալսարանի մագիստրոսի ծրագիրը։ Իր ընկերութեան հովանաւորութեամբ կը հետեւի Սապանճը Համալսարանի Առաջնորդութեան Զարգացման Ծրագրին։ Կը տիրապետէ անգլերէն լեզուին՝ առաջադէմ մակարդակով։

Մասնագիտական գործունէութիւնը ծաւալած է Ernst & Young, Anadolu Group, Shell եւ վերջապէս Kale Group ընկերութիւններուն մէջ։ Աւելի քան տասներկու տարիներ կը ծառայէ ֆինանսական եւ խորհրդատուական ոլորտներուն մէջ գործող ընկերութիւններուն։ Միաժամանակ կը կրէ արտօնեալ հաշուապահի (մալի մուշաւիր) կոչումը։ 2020-2021 թուականներուն պաշտօնավարած է Պատրիարքարանի հովանաւորութեան տակ գործող ֆինանսական յանձնախումբին մէջ։

Ծնած է 1972 թուականին, Իսթանպուլ / Սկիւտար։ Իր ուսումը ստացած Պաղլարպաշըի Ներսեսեան Երմոնեան վարժարանին մէջ, ապա շարունակած է ուսումը Սուրբ Խաչ Դպրեվանք Լիսէին մէջ։ Երկար տարիներ գործունէութիւն ծաւալած է արդիւնաբերական պարագաներու եւ պտուտակներու (հըրդավաթ եւ ճիվաթա) ոլորտին մէջ։

1993 թուականէն ի վեր կը շարունակէ իր մասնագիտական գործունէութիւնը իր հիմնած «Karaköy Hırdavat ve Bağlantı Elemanları» ընկերութեան մէջ։ Մեր համայնքի զանազան հաստատութիւններուն մէջ կամաւոր կերպով ստանձնած է տարբեր պատասխանատուութիւններ։

Ծնած է 1971 թուականին, Պողազլեան։ Սկզբնական ուսումը աւարտած է Քայսերիի մէջ, իսկ միջնակարգ եւ լիսէական կրթութիւնը՝ Իսթանպուլի մէջ։ 1992 թուականին շրջանաւարտ դարձած է Թրաքիա Համալսարանի Հաշուապահութեան բաժինէն։

Հինգ տարի մասնաւոր ոլորտին մէջ աշխատելէ ետք հիմնած է իր սեփական գրասենեակը եւ արդէն 23 տարիէ ի վեր կը ծառայէ որպէս Ս.Մ.Մ.Մ. (Սուորուն Մալի Մուշաւիր)։ Մարմնամարզը եւ տնտեսագիտութիւնը կը կազմեն իր հետաքրքրութիւններու հիմնական ոլորտները։ Մասնագիտական արտօնագրով զբաղած է ֆութպոլով եւ ստանձնած է Սահակեան Օ.Յ.Դ. Մարզական Մասնաճիւղի նախագահութիւնը։

Ծնած է 1996 թուականին, Իսթանպուլ։ Կրթութիւն ստացած է Եշիլգիւղ Հայկական Վարժարանին մէջ։ Շրջանաւարտ է Ըշըք Համալսարանի Ներքին Ճարտարապետութեան եւ Արդիւնաբերական Ձեւաւորման բաժիններէն՝ պատուոյ աստիճանով։ Կը տիրապետէ անգլերէն լեզուին՝ բարձր մակարդակով։

Աշխատած է Դուպլինի եւ Իսթանպուլի տարբեր ներքին ճարտարապետական եւ շինարարական ընկերութիւններու մէջ։ 2019-2021 թուականներուն ծառայած է HAYCAR-ի Վարչական Խորհուրդի անդամ։ 2019 թուականէն ի վեր կը շարունակէ իր գործունէութիւնը որպէս Nor Design ընկերութեան հիմնադիր։ Գործունէութիւն կը ծաւալէ ներքին ճարտարապետութեան, կահոյքի եւ վերանորոգման ոլորտներուն մէջ։

Ծնած է 1976 թուականին, Իսթանպուլի Սամաթիա շրջանին մէջ։ Սկզբնական կրթութիւնը ստացած է Մասնաւոր Անարատ Հղութեան Հայկական Նախակրթարանի մէջ, իսկ միջնակարգ եւ լիսէական ուսումը աւարտած է Մասնաւոր Սուրբ Խաչ Հայկական Լիսէին մէջ՝ 1994 թուականին։ Շրջանաւարտ է Իսթանպուլի Համալսարանի Առողջապահական Մասնագիտական Բարձրագոյն Դպրոցի Ատամնատեխնիկութեան բաժինէն։ Կը տիրապետէ անգլերէն եւ արաբերէն լեզուներուն։

Գործունէութիւն կը ծաւալէ ոսկերչութեան ոլորտին մէջ՝ իր սեփական ձեռնարկութեան շրջանակին մէջ, մասնագիտանալով արտադրութեան եւ մեծածախ արտահանման մէջ։ Ներկայիս Սուրբ Խաչ Դպրեվանքի Սանուց Միութեան Վարչական Խորհուրդի անդամ է։

Ծնած է 1993 թուականին, Իսթանպուլ։ Սկզբնական եւ միջնակարգ կրթութիւնը աւարտած է Գալֆայեան Նախակրթարանի մէջ։ Քատիր Հաս Անատոլու Լիսէէն շրջանաւարտ դառնալէ ետք, բակալաւրիատ եւ մագիստրոսի ուսումը աւարտած է Իսթանպուլի Տեխնիկական Համալսարանի Համակարգչային Ճարտարագիտութեան բաժինին մէջ։ Ներկայիս նոյն բաժինին մէջ կը շարունակէ իր բարձրագոյն ուսումը եւ կը գործէ որպէս դասախօս։ Կը տիրապետէ անգլերէն եւ ֆրանսերէն լեզուներուն։

Իր հետազօտական գործունէութիւնը կը կեդրոնանայ արհեստական բանականութեան ոլորտին մէջ, եւ իր աշխատանքները հրապարակուած են միջազգային գիտական պարբերականներու եւ համաժողովներու մէջ։