Ծնողներու Տեսանկիւնէն Սուրբ Խաչ Լիսէն

Ծնողներու Մեկնաբանութիւններ

9-րդ Դասարան Նոր Սկսող Մեր Ծնողներու Տեսակէտները

9-րդ դասարանէն սկսող եւ մինչեւ 12-րդ դասարան շարունակուող լիսէական ուսման ճանապարհին Սուրբ Խաչ Լիսէն ընտրած մեր ծնողներու փորձառութիւնները կ՚արտացոլեն դպրոցի կրթական հայեցակարգը, մշակոյթը եւ ամուր պատկանելիութեան զգացումը։

Մինչ այդ միայն անունով ծանօթ էի Սուրբ Խաչ Լիսէին, իսկ դստերս շնորհիւ առիթ ունեցայ աւելի մօտէն ճանչնալու զայն։ «Ինչպէ՞ս պիտի ըլլայ, ճամբան շատ հեռու է» մտածելէ ետք, այսօր կը տեսնեմ, որ անիկա մեր ամենագեղեցիկ եւ ամենայաջող ընտրութիւններէն մէկը եղաւ։ Դստերս կատարած ներդրումներուն համար սրտանց շնորհակալութիւն բոլորին…
Մ.Թ.
9-րդ Դասարանի Ծնող
Նախ եւ առաջ շատ ուրախ ենք, որ միացած ենք Սուրբ Խաչ Լիսէի ընտանիքին։ Մեր դպրոցը մեր զաւակին նպաստած է բազմաթիւ ոլորտներու մէջ՝ կարգապահութիւն, ինքնավստահութիւն, հասարակական նախագիծերու մասնակցութիւն եւ գիրք ընթերցելու սովորութեան ամրապնդում։ Ամենակարեւորը՝ ան սիրով կը յաճախէ դպրոց, իսկ իր ուսուցիչներն ու դաստիարակները դրական ազդեցութիւն կը գործեն անոր հետաքրքրութիւններուն եւ կարողութիւններուն վրայ։
Ե.Ս.
9-րդ Դասարանի Ծնող
Սուրբ Խաչ Լիսէն, իր ջերմ, համակրելի եւ ժպտադէմ Տնօրէնով ու ուսուցչական կազմով, կը տեսնեմ եւ կը զգամ որպէս «Իմ Սեփական Տուն»։ Մեր զաւակները դպրոցին մէջ ուրախ եւ հաճելի ժամանակ կ'անցնեն։ Որակաւոր կրթութեան համար խորին շնորհակալութիւն կը յայտնենք ուսուցիչներուն։
Ս.Պ.
9-րդ Դասարանի Ծնող
«Որքա՜ն գեղեցիկ է ըլլալ հզօր աւանդութեան մէկ մասը»
Սիրելի՛ Սուրբ Խաչ Լիսէի ընտանիք,2024-2025 ուսումնական տարեշրջանին, մեր դստեր ցանկութեամբ ծանօթացանք ձեզի։ Մէկ փուլ փակելէ ետք, այսօր կը տեսնենք, թէ որքան ճիշդ եւ տեղին էր մեր կայացուցած որոշումը։ Միեւնոյն ժամանակ, երբ կը տեսնենք մեր զաւակին խանդավառութիւնն ու ուրախութիւնը՝ այս հաստատութեան յարկին տակ գտնուելու համար, որպէս ծնող կրկնակի կը ուրախանանք։Դպրոցի բոլոր պատասխանատուներուն հետ մեր հաղորդակցութիւնը յաջող եւ վստահելի է։ Խոր արմատներ ունեցող աւանդութեան եւ նուիրեալ կրթական կազմի լոյսին տակ գտնուելէ մենք խորապէս գոհ եւ երախտապարտ ենք։Լաւ է, որ կաք։
Ն.Ք.
9-րդ Դասարանի Ծնող
Սուրբ Խաչ Լիսէն ընտրած ըլլալուն համար թէ՛ մեր որդին եւ թէ՛ մենք շատ ուրախ եւ հպարտ ենք։ Մեր դպրոցի Տնօրէնին, օրիորդներուն եւ բարոններուն կառուցողական, լուծումակեդրոն եւ նուիրեալ մօտեցումը մեզի համար մեծ արժէք ունի։ Մեր որդիին ակադեմական յաջողութեան կողքին անոր հասարակական եւ գեղարուեստական զարգացման մէջ ձեր ներդրումը տեսնելը եւս ապացոյց եղաւ, թէ որքան ճիշդ որոշում կայացուցած ենք։Բացայայտօրէն ըսած՝ մեր ուսուցիչներուն եւ վարչական կազմին աշակերտներուն հետ սիրոյ վրայ հիմնուած հաղորդակցութեան շնորհիւ մենք գտանք շատ աւելին, քան կը սպասէինք։ Սուրբ Խաչ Լիսէի յարկին տակ ծառայող օրիորդներուն, բարոններուն, վարչութեան, ամբողջ անձնակազմին եւ այս ընտանիքին մաս կազմող բոլորին կը յայտնենք մեր խորին շնորհակալութիւնը՝ իրենց նուիրումին եւ զգայուն վերաբերմունքին համար։
Ն.Տ.
9-րդ Դասարանի Ծնող
Անցեալ տարուան մեր դստեր գրանցումը, առանց տատանումի եւ իր սեփական որոշումով, իրականացուցինք Սուրբ Խաչ Լիսէին մէջ։ Առաջին հերթին Պարոն Սերքանի մօտեցումը եւ ուսուցչական կազմի երիտասարդ ու դինամիք բնոյթը մեզ, որպէս ծնողներ, խորապէս տպաւորեցին։ Առաջին տարուան ընթացքին ընտանիքով անցանք դպրոցին, դասերուն եւ դասընկերներուն հետ համակերպուելու շրջանը։ Սակայն ուսումնական տարեշրջանի աւարտին բոլորս ալ ունեցանք այն զգացումը, թէ կարծես միշտ այս դպրոցին մէջ սորված ըլլանք։Մեր մաղթանքն է, որ դուստրը՝ նախ իր իսկ ջանքերով, ապա ուսուցիչներու աջակցութեամբ, ունենայ յաջողակ եւ բովանդակալից լիսէական շրջան։ Կրթական անձնակազմին աշխատանքը դիւրին չէ՝ այսքան պատանի երիտասարդներու անհատաբար հետեւիլը մեծ նուիրում կը պահանջէ։ Անոնք նշանակալի դեր կը խաղան մեր զաւակներու բնաւորութեան ձեւաւորման մէջ։ Ի վերջոյ, էականը այն է, որ մեր երիտասարդները ոչ միայն յաջողակ ըլլան, այլեւ՝ հասարակութեան համար օգտակար եւ բարեխիղճ անհատներ դառնան։Հարգանքներով։
Ջ.Փ.
9-րդ Դասարանի Ծնող
Գրանցման նպատակով դպրոցի դռնէն ներս մտած առաջին օրը, ինչպէս ձեր շատ մը նախկին շրջանաւարտներու կողմէ յիշատակուած է, մեզ դիմաւորեց այն յատուկ «դպրոցի բոյրը»։
Մեր սպասումն էր, որ դպրոցը մեր զաւակը կեանքին պատրաստէ համակողմանի կերպով՝ թէ՛ ժամանակակից տեխնոլոգիաներով, թէ՛ գիտելիքով եւ թէ՛ մարդկային արժէքներով, որպէսզի ան նախ իր համայնքին, ապա նաեւ ապրած երկրին օգտակար անհատ դառնայ։Այս մէկ տարուան ընթացքին մենք տեսանք մեր որդիին մէջ այս դրական փոփոխութիւններուն մեծ մասը։ Շնորհակալութիւն, Սուրբ Խաչ։
Մ.Շ.
9-րդ Դասարանի Ծնող
«Վարժարանային Ոգին Ամէնուր է — Լաւ է, որ Այդ Դռնէն Ներս Մտանք»
Մինչեւ այսօր իմ կայացուցած ամենադժուար որոշումն էր։ Կեանքը զիս տարաւ ամբողջովին անծանօթ թաղամաս մը եւ անծանօթ մարդիկերով լի դպրոց մը, ուր հարկադրուեցայ որդիս արձանագրել։ Գրանցման օրը, որդուս հետ մեծ մտահոգութիւններով եւ հարցականներով ներս մտած այդ դռնէն այսքան վստահ, հանգիստ եւ բոլոր կասկածներս մէկ կողմ դրած դուրս պիտի գայի՝ եթէ մէկը ըսէր, պիտի չհաւատայի։ Առաջին օրէն ստացած այս տպաւորութիւնը մինչեւ վերջին օրը գրեթէ անփոփոխ մնաց։ Ուսուցիչներուն եւ տնօրէններուն իրենց աշխատանքը լիակատար նուիրումով տիրապետելու ոգին, իրական ընտանիքի մթնոլորտը, «քաղցր խստութեան» վրայ հիմնուած կարգապահութիւնը եւ զգացնել տրուած իսկական «վարժարանային» մշակոյթը ամէն պահ կը համոզէին, թէ ճիշդ տեղն եմ։ Պարոն Սերքան Քըյըճըի գլխաւորութեամբ ամբողջ Սուրբ Խաչ Լիսէի ընտանիքին կը յայտնեմ իմ անսահման շնորհակալութիւնը։ Լաւ է, որ կաք, միշտ մնացէք մեր գլխուն։
Հ.Ա.
9-րդ Դասարանի Ծնող
«Ապահով, Արժէքաւոր եւ Երջանիկ»
Սուրբ Խաչ Լիսէի ընտանիքին կը յայտնենք մեր շնորհակալութիւնը այս գեղեցիկ ուսումնական տարուան համար։ Մեր զաւակին թէ՛ ակադեմական եւ թէ՛ հասարակական զարգացմանը ականատես ըլլալը մեզի մեծ ուրախութիւն պատճառեց։Ուսուցիչներու ուշադրութիւնը, դպրոցի ջերմ մթնոլորտը եւ ընձեռուած հնարաւորութիւնները կը նպաստեն, որ ան ինքզինք զգայ ապահով եւ արժէքաւոր։ Շնորհակալութիւն կը յայտնենք այս բոլորին մէջ իրենց ներդրումը ունեցած անձանց։
Մ.Ճ.
9-րդ Դասարանի Ծնող
2023-2024 ուսումնական տարեշրջանին մեր որդին, որ ծանօթացաւ Սուրբ Խաչ Լիսէի ընտանիքին, նոր փուլ մը սկսաւ՝ քիչ մը զարմացած, քիչ մը խանդավառուած։ Սուրբ Խաչ Լիսէի շրջանաւարտ ընտանիքի վերջին անդամն ալ վստահութեամբ յանձնեցինք դպրոցի ջերմ եւ գուրգուրանք լի գրկին։ Դպրոցի իւրաքանչիւր բաժինը այնչափ ուշադիր եւ հոգատար մօտեցում ցուցաբերեց, որ կարճ ժամանակի ընթացքին ան դարձաւ իր դպրոցը սիրող աշակերտ։Ան միացաւ դպրոցի թատերախումբին եւ մասնակցեցաւ բարձրարժէք ներկայացումի մը։ Մեր ուսուցիչները ոչ միայն նուիրեալ եւ պատասխանատու մասնագէտներ են, այլ նաեւ իրենց զաւակներու պէս գուրգուրանքով շրջապատող եւ ամբողջ սրտով մեր երեխաներուն կողքին կանգնող ընտիր դաստիարակներ։ Միշտ ժպիտով եւ անկեղծութեամբ մեզ դիմաւորող դպրոցի տնօրէնին եւս կը յայտնենք մեր խորին շնորհակալութիւնը։Մեր զաւակներուն մէջ առաջին տարուէն իսկ ձեւաւորուած պատկանելիութեան զգացումը խորապէս արժէքաւոր է։ Ներսամփոփ բնաւորութիւն ունեցող երեխայի մը հանդէպ համբերատար սպասող, անոր նկատմամբ յոյսը չկորսնցնող եւ ակադեմական վիճակն ու հոգեվիճակը հաւասարակշռուած պահելու համար հետեւողական աշխատող բարձր մասնագիտական կրթական կազմի շնորհիւ մենք համոզուած ենք, թէ ճիշդ հասցէին մէջ ենք։
Ի.Կ.
9-րդ Դասարանի Ծնող
«Կրթութեան Մէջ Սիրով Աճող Քայլեր»
Սուրբ Խաչ Լիսէի ընտանիքին մէկ մասը ըլլալէն խորապէս երջանիկ ենք։ Ձեր նուիրումով եւ խնամքով իրականացուող աշխատանքներուն շնորհիւ մեր զաւակներու կրթական ճանապարհը զգալիօրէն հարստացած է․ անոնք ոչ միայն կը զարգանան, այլ նաեւ կը բացայայտեն իրենց կարողութիւններն ու ձիրքերը։ Այս բոլորին համար ձեզմէ իւրաքանչիւրին կը յայտնենք մեր խորին շնորհակալութիւնը։Ջերմ միջավայրը, ընտանեկան մթնոլորտը եւ սիրոյ զգացումը ուսանողի կեանքին մէջ մեծ դեր կը խաղան՝ անոր ստացած կրթութեան կողքին։ Այս ամբողջական զգացողութիւնը դուք ամբողջական կերպով կը փոխանցէք մեզի։Լաւ է, որ կաք, Սուրբ Խաչի ընտանիք։
Թ.Յ.
9-րդ Դասարանի Ծնող
«Միշտ Գիտէի, Թէ Ճիշդ Տեղին Մէջ Ենք»
Որպէս բազմաթիւ Սուրբ Խաչ Լիսէի շրջանաւարտներ ունեցած ընտանիքի անդամ՝ մենք խորապէս երջանիկ եւ հպարտ ենք, որ մեր որդին եւս կը կրէ այս ոգին եւ մաս կը կազմէ այս բարեբեր ու սիրով լի ընտանիքին։ Ձեր կատարած եւ ապագային կատարելիք ներդրումներուն համար սիրով կը գրկենք ամբողջ նուիրեալ անձնակազմը։
Ե.Փ.
9-րդ Դասարանի Ծնող
«Ջերմ Յարկի Տակ Աճող Յաջողութիւն»
‍Այս տարուան ընթացքին մեր որդիին թէ՛ ակադեմական եւ թէ՛ հասարակական զարգացման ականատես ըլլալը մեզի եւս մէկ անգամ ապացուցեց, թէ ճիշդ տեղին մէջ ենք։ Այս ժամանակաշրջանին մէջ աշակերտներուն մօտ պատկանելիութեան զգացում ձեւաւորելը դժուար գործ է, սակայն ձեր կողմէ մեծ մասամբ յաջողուած է։ Մեզի ուշադրութեամբ, համբերութեամբ եւ սիրով աջակցող բոլոր ուսուցիչներուն կը յայտնենք մեր անսահման շնորհակալութիւնը։
Ն.Ա.
9-րդ Դասարանի Ծնող
«Առաջին Հանդիպումէն Արդէն Յստակ Էր՝ Ահա Մեր Տեղը»
Դպրոցը այցելելու եւ ծանօթանալու առաջին օրը իսկ զգացինք, որ Սուրբ Խաչ Լիսէն մեզի համար շատ լաւ պիտի ըլլայ։ Կարծես տարիներէ ի վեր կը ճանչնայինք այս դպրոցը։ Մեր բարոնի ջերմ ու ժպտադէմ ընդունելութիւնը, օրիորդներու հոգատար մօտեցումը եւ ամբողջ ընտանիքի նման մթնոլորտը մեզի համար անգնահատելի էին։ Առաջին շրջանը՝ նոր դպրոց, նոր միջավայր, նոր ընկերներ եւ օրիորդներու հետ ծանօթութիւն, բնականաբար որոշ դժուարութիւններ ունեցաւ, սակայն ձեր շնորհիւ այն դարձաւ հաճելի եւ յիշարժան։Լաւ է, որ եկանք Սուրբ Խաչ Լիսէ եւ ունեցանք այս գեղեցիկ ընտանիքին մաս կազմելու հնարաւորութիւնը։ Ամէն բանի համար խորին շնորհակալութիւն։
Ն.Ք.
9-րդ Դասարանի Ծնող
«Լաւ է, Որ Այս Ընտանիքին Մաս Կը Կազմենք»
Սուրբ Խաչ Լիսէի ընտանիքը մեզի ընձեռեց ոչ միայն ակադեմական յաջողութիւն, այլեւ բացաւ նոր հորիզոններ։ Երբ երեխաները լիսէ կ՛ընտրեն, անոնք միայն իրենց զարգացման մասին չեն մտածեր, այլ նաեւ կեանքին մէջ մեծ քայլ մը կ՛առնեն։ Սուրբ Խաչ Լիսէն մեր կայացուցած ամէնէն ճիշդ որոշումներէն մէկը եղաւ։
Ն.Ք.
9-րդ Դասարանի Ծնող
Սիրելի՛ Սուրբ Խաչ Լիսէի ընտանիք,Երբեմն դպրոց մը միայն չորս պատերով սահմանափակուած շէնք մը չէ։ Երբեմն ան կը դառնայ այն յարկը, ուր երեխան կը բացայայտէ ինքզինք, կը ծաղկի եւ արմատ կը ձգէ։ Մեր պատմութիւնը ճիշդ այսպէս սկսաւ։ Դպրոցներու ծանօթացման օրերուն, երբ դստերս աչքերը փայլելով ըսաւ՝ «Ես հոն կ՛ուզեմ ըլլալ», այդ պահը մեր սկիզբը դարձաւ։ Այդ որոշումը սոսկ ընտրութիւն մը չէր, այլ ներքին ձայնի հետեւիլ։ Եւ մենք լսեցինք այդ ձայնը։ Ընտրեցինք Սուրբ Խաչ Լիսէն։Այսօր ետ նայելով՝ ամբողջ սրտով կը զգանք, թէ որքան ճիշդ քայլ կատարեցինք։ Մեզի համար կրթութիւնը միայն գիտելիք չէր։ Մենք կը փնտռէինք այնպիսի վայր մը, ուր մեր զաւակին բնաւորութիւնը կը կերտուի, ուր ինքզինք եւ ուրիշները յարգելու արժէքները նրբօրէն կը ձեւաւորուին։ Վայր մը, որ կը սնուցէ անոր հոգին, կը գնահատէ մտածումը եւ կը դիտէ զայն որպէս անհատ։ Սուրբ Խաչ Լիսէն ճիշդ այսպիսի վայր մը եղաւ։ Իր արդարութեամբ, գուրգուրանքով եւ անկեղծ կեցուածքով ան մեզի ընձեռեց կրթութենէն շատ աւելի բան։Այս տարի դստերս աչքերուն մէջ կը փայլի ոչ միայն գիտելիքի, այլեւ պատկանելիութեան եւ արժէքաւոր զգալու լոյսը։ Ան դարձած է այնպիսի երեխայ մը, որ կը արտայայտէ ինքզինք, կը գնահատուի, կը քաջալերուի եւ ամենէն կարեւորը՝ կը հաւատացուի։ Այժմ ան միայն քայլեր չի՛ առներ, այլ իւրաքանչիւր քայլը իրեն համար նոր բացայայտում կը դառնայ։ Եւ մենք հպարտ ենք, որ մաս կը կազմենք այս մեծ ընտանիքին։Բոլոր այն ծնողներուն, որոնց սիրտը տատանումներով լեցուն է եւ որոնք կանգնած են ընտրութեան առջեւ, կ՛ուզեմ անկեղծօրէն ըսել․
Սուրբ Խաչ Լիսէն դպրոցէ աւելիին մը է։
Այստեղ ձեր զաւակը կը մեծնայ թէ՛ գիտելիքով եւ թէ՛ բնաւորութեամբ, կը դառնայ թէ՛ անհատ եւ թէ՛ մարդ։Սրտանց շնորհակալութիւն… ոչ միայն որպէս մայր, այլ որպէս մէկը, որ իր սիրտը վստահած է Սուրբ Խաչ Լիսէին։
Թ.Ք.
9-րդ Դասարանի Ծնող