«Ամէն Մարդ Նոյն Տեղէն Չի Սկսիր» Քաջալերական Ելոյթ

2025-2026 ուսումնական տարեշրջանի առաջին կիսամեակի աւարտին ընդառաջ, անգլերէնի բաժանմունքի ուսուցիչներէն Սերէն Տ․-ն «Ամէն մարդ նոյն տեղէն չի սկսիր» խորագրեալ քաջալերական ելոյթով մը հանդիպեցաւ աշակերտներուն հետ։​Ելոյթի ընթացքին շեշտուեցաւ, որ TYT, AYT, IELTS եւ SAT-ի նման քննութիւնները լոկ արդիւնքներ չեն, այլ ճիշդ աշխատանքով ու հետեւողականութեամբ դէպի ապագայ բացուող դռներ են։ Հակառակ տարբեր մեկնակէտերուն եւ զանազան կարելիութիւններուն, չհրաժարելու կարեւորութիւնը փոխանցուեցաւ աշակերտներու իրական պատմութիւններու միջոցով։​Այս ձեռնարկով մեր ուսուցիչը աշակերտներուն վերստին յիշեցուց, թէ իրենք առանձին չեն եւ ճիշդ քայլերով կարելի է հասնիլ ամէն նպատակի։