.svg)
.png)
Մեր դպրոցէն եւս մէկ յաջողութիւն։ BAALSBÇ25-ին մեր աշակերտները գրանցեցին աչքի զարնող արդիւնքներ։ 11-րդ դասարանի մեր աշակերտները, Պեշիքթաշ Աթաթուրք Անատոլու Լիսէի հիւրընկալութեամբ կազմակերպուած «BAALSBÇ25 – Ինքնութիւն» խորագրեալ աշխատանոցին մէջ իրենց գաղափարներով նշանաւոր մասնակցութիւն ունեցան։
Աշխատանոցին ընթացքին աշակերտները, իրենց հետաքրքրութեան ոլորտներուն համապատասխան ընտրած թեմաներով (Ժամանակակից Բարոյագիտութիւն, Ընկերաբանութիւն, Մարդաբանութիւն, Աստուածաբանութիւն, Արվեստ, Հոգեբանութիւն, Քրիմինալոգիա եւ Արհեստական Բանականութիւն), երկու օր տեւող նիստերու ընթացքին իրենց հասակակիցներուն հետ գաղափարներ փոխանակեցին։
Մեր մրցանակները՝
Էլին Ալքանլը – Աստուածաբանութիւն, Լաւագոյն Խօսնակ
Քաթյա Մենթեշէ – Ժամանակակից Բարոյագիտութիւն, Ընտրեալ Խօսնակ
Էնճիլ Ամուրօղլու – Աստուածաբանութիւն, Ընտրեալ Խօսնակ
Լորին Ելեգեն – Աստուածաբանութիւն, Ընտրեալ Խօսնակ
Քաջաբար իրենց գաղափարները արտայայտած եւ քննարկումներուն գիտելիքով ու մեկնաբանութիւններով մասնակցած բոլոր աշակերտները սրտանց կը շնորհաւորենք։ Շնորհակալութիւն կը յայտնենք նաեւ այս ընթացքին անոնց ուղղորդած եւ աջակցած դասարանային ու ակումբային ուսուցիչներուն։